रोटरी क्लब निगडी आणि पिं-चिं पालिकेतर्फे निगडीत " रनाथॉन "
पिंपरी, ता. २५ : पिंपरी-चिंचवड महानगरपालिका आणि रोटरी क्लब ऑफ़ निगडी यांच्या वतीने "रनाथॉन ऑफ होप" या मॅरेथॉनचे आयोजन केल्याची माहिती अध्यक्ष सुहास ढमाले, रनाथॉन संचालक केशव मानगे यांनी नुकतीच दिली.
स्पर्धेची सुरुवात २९ सप्टेंबर रोजी स. ५ वा निगडी भेळ चौक,येथील नियोजित महापौर निवास मैदान या ठिकाणी पासून प्रारंभ होईल. या स्पर्धेत सुमारे ५ हजार स्पर्धक सहभागी होत आहे. स्पर्धकांना २१ किमी, १० किमी, ५ किमी आणि कॉर्पोरेट ५ किमी, फॅमिली गटात २ किमी अंतर गटात धावता येईल. तसेच महिला व ४५ वर्षे वरील वयोगटातील स्पर्धकांना स्वतंत्र बक्षिसे देण्यात येणार आहेत. ऱनाथॉन स्पर्धेचे यंदा १३ वे वर्ष आहे, अशी माहिती रनाथॉनचे संचालक मानगे यांनी दिली.या स्पर्धेच्या माध्यमातून संकलित होणाऱ्या निधीतून रोटरी क्लब ऑफ़ निगडी तर्फे ग्रामीण भागात काही समाजोपयोगी उपक्रम राबविण्यात येणार आहे. यामध्ये आनंदी शाळा,आनंदी ग्राम,वैद्यकीय प्रकल्पाचा समावेश आहे. यासाठी हा निधी खर्च केला जाणार असल्याची माहिती निगडी क्लबचे अध्यक्ष ढमाले यांनी दिली.
-----
