शंकर जगतापांना आम्ही लाखाच्या मताधिक्याने आमदार बनविणार - मोरेश्वर भोंडवे
पिंपरी, ता. ११ : निवडणुकीआधीच अवसान गळालेल्या ठाकरे-पवारांच्या नेतृत्त्वात मविआला जबरदस्त धक्का बसला असून, विरोधी उमेदवाराचे कंबरडेच मोडल्यात जमा आहे. निवडणुकीच्या तोंडावर ठाकरेंच्या शिवसेनेत गेलेले आणि ‘बेरजेचे’च्या राजकारणासाठी माहीर असलेले माजी नगरसेवक मोरेश्वर भोंडवे आता मविआतून ‘वजा’ झाल्याने या मतदारसंघात महायुतीचे उमेदवार शंकर जगताप यांच्यासाठी मोरेश्वर भोंडवे हे मतांचा ‘गुणाकार’ करणार असल्यामुळे महाविकास आघाडीत बिघाडी झाली आहे. थोडक्यात, याचा राजकीय फायदा उठवत मोरेश्वर भोंडवेंनी आता शंकर जगतापांना एक लाखाच्या ‘लीड’ने विधानसभेत पाठविण्याचा चंग बांधला आहे.
चिंचवड मतदारसंघातील महायुतीचे उमेदवार शंकर जगताप यांचा विजयी रथ रोखण्याच्या हेतूने अनेक खेळ्या करण्याचा प्रयत्न आहे. त्यातून भागातील बडे राजकीय नेते गळाला लावण्याच्या खेळ्या खेळल्या गेल्या. मात्र, त्यातून आघाडीचा हेतू आणि त्यांनी दिलेल्या उमेदवारांचे कारनामे हळूहळू उघड होताच, आघाडीतील बहुतांश नेते आता महायुतीचे नेते शंकर जगतापांच्या विजयावर मोहोर उमटवत आहेत.
चिंचवडच्या भल्यासाठी जगताप हेच हुकमी एक्का असू शकतात असा विश्वास महायुतीपलीकडे जाऊन आघाडीतील नेत्यांनाही वाटू लागला आहे.
- कोट
चिंचवड विधानसभा मतदारसंघाच्या निवडणुकीसाठी मीदेखील तयारी केली होती. मात्र तिकीट न मिळाल्याने मी या निवडणुकीतून माघार घेतली. परंतु माघार घेतली तरी चिंचवड विधानसभेच्या विकासाचा मुद्दा हा माझ्यासाठी सर्वात महत्वाचा मुद्दा होता. यासाठी मला सक्षम पर्याय म्हणून महायुतीचे उमेदवार शंकर जगताप हेच योग्य वाटले. त्यामुळे माझ्या सर्व सहकारी मित्रांशी यासंदर्भात चर्चा करून आणि रावेतमधील जनतेचा कौल घेऊन मी शंकर जगताप यांना पाठींबा देण्याचा निर्णय घेतला.
- मोरेश्वर भोंडवे (माजी नगरसेवक)
-----------------
