शहरात गुरुवारी पाणीपुरवठा बंद
पिंपरी, ता. २८ : पिंपरी चिंचवड महानगरपालिकेकडील पाणीपुरवठा विभागाच्या निगडी येथील पेठ क्रमांक २३ मधील जलशुध्दीकरण केंद्रातील पाणीपुरवठा विषयक नियमित देखभाल दुरुस्तीची आवश्यक कामे करण्यासाठी शहरातील वितरण व्यवस्थेमधील विविध ठिकाणी देखभाल दुरुस्तीची कामे हाती घेणे आवश्यक असल्यामुळे गुरुवारी (ता. ३०) पिंपरी चिंचवड शहराचा सकाळचा पाणीपुरवठा नियमीत वेळेनुसार होणार असून संध्याकाळचा पाणीपुरवठा बंद राहणार आहे. दुरुस्तीच्या कामासाठी सर्व पाणीपुरवठ्याची यंत्रणा बंद ठेवल्यामुळे शहरातील सर्व भागात दुस-या दिवशी म्हणजेच शुक्रवारी (ता. ३१) होणारा सकाळचा पाणीपुरवठा अनियमीत व कमी दाबाने होईल.
तरी नागरिकांनी मनपाकडील उपलब्ध पाण्याचा पुरेसा साठा करुन काटकसरीने पाणी वापर करून पिंपरी चिंचवड महानगरपालिकेस सहकार्य करावे, असे आवाहन करण्यात येत आहे.
-------------
