पवना धरणातून विसर्ग वाढला
पिंपरी, ता. १५ : पवना नदी काठच्या सर्व नागरीकांना सूचित करण्यात येत आहे, की दुपारी २ च्या आकडेवारीनुसार पवना धरण सद्यस्थितीमध्ये ७७. टक्के भरलेले आहे. पाणलोट क्षेत्रात पाऊस चालू असून धरणामध्ये मोठा येवा प्राप्त होत आहे.
पवना धरणाच्या पाणलोट क्षेत्राकरिता हवामान विभागाचा रेड अलर्ट दिलेला असलेले, धरणातील पाणीसाठा नियंत्रित करणेकरिता सांडव्याद्वारे नदीपात्रामध्ये होणारा विसर्ग वाढवून २०५० क्युसेक्स इतका करण्यात आला आहे.
पाणलोट क्षेत्रातील पावसाच्या प्रमाणानुसार व येव्यानुसार धरणातून नदीपात्रात होणारा विसर्ग पुन्हा कमी किंवा जास्त केला जाऊ शकतो याची नोंद घ्यावी.
तरी पवना नदी काठच्या सर्व नागरीकांना सूचित करण्यात येते की, कोणीही नदीपात्रात उतरू नये. नदी मधील पाण्याचे पंप, नदी काठचे शेती अवजारे व तत्सम साहित्य अथवा जनावरे असल्यास ती तात्काळ सुरक्षित ठिकाणी हलविण्यात यावित. सखल भागातील संबंधित नागरिकांना सूचना देण्यात याव्यात, सर्वांनी योग्य ती खबरदारी व दक्षता घेत जलसंपदा विभागास व प्रशासनास सहकार्य करावे.
------------
