नवीन प्रशासकीय इमारतीचे काम प्रगतीपथावर
पिंपरी, ता. १९ : पिंपरी-चिंचवड महानगरपालिकेच्या चिंचवड येथील आरक्षण क्र.१८१ ड या जागेवर नविन प्रशासकिय इमारत बांधणेचे काम करणेत येत आहे. या इमारतीच्या भूखंडाचे क्षेत्र – ८.६५ एकर (३७२३२.२५ चौ.मी.) एकूण बांधकाम क्षेत्र – ९१४५९ चौ.मी. (सुमारे १० लाख चौ. फूट) नविन प्रशासकीय इमारतीमध्ये पुढील प्रमाणे ४ विंग बांधणेत येणार आहेत. या इमारतीचे काम प्रगतीपथावर आहे.
A विंग :- ३ तळघर + तळमजला + ६ मजले
B विंग :- ३ तळघर + तळमजला + १८ मजले
C विंग :- ३ तळघर + तळमजला + १८ मजले
D विंग :- ३ तळघर + तळमजला ६ मजले
तसेच सदर इमारतीमध्ये महापालिका सर्वसाधारण सभागृह, सुसज्ज असे ग्रंथालय, प्रदर्शन दालन, बहुउद्देशीय सभागृह, नागरिक व कर्मचारी यांच्या आरोग्य तपासणीसाठी क्लिनिक, एटीएम सेंटर, इ-गव्हर्नन्स, नागरी सुविधा केंद्र, सुरक्षा कक्ष, कोर्टयार्ड, स्वच्छतागृह, स्वागत आणि माहिती कक्ष, कॅन्टीन व पत्रकार बांधवासाठी पत्रकार कक्ष इ. बाबींचा समावेश करण्यात आलेला आहे.
या इमारतीची रचना पर्यावरणपूरक (Eco-friendly Building) असून त्यामध्ये जलपुनर्भरण, सौर उर्जेचा वापर, पाण्याचा पुर्नवापर, Climate Responsive Gl fins, Natural Ventilation, Green areas, स्कायलाइट, दोन व चार चाकी मिळून सुमारे ५ हजार वाहने पार्किंग इ. बाबींचा समावेश करणेत आलेला आहे. इमारतीची उंची ८३ मी. एवढी आहे. इमारत पूर्ण झाल्यानंतर नागरिकांना महानगरपालिकेची सर्व विभागाची कार्यालये एकाच ठिकाणी उपलब्ध होणार असून महानगरपालिकेच्या कामाकाजात सुसुत्रता येणार आहे.
कामाचा आदेश जानेवारी २०२३ मध्ये देण्यात आले असून कामाची मुदत ३६ महिने अशी आहे. स्वीकृत निविदा र.रू.२८६.६३ कोटी इतकी आहे. मे. के. एम. व्ही. प्रोजेक्ट्स हे ठेकेदार असून सुनिल पाटिल असोसिएट प्रा.ली.हे कामाचे सल्लागार आहेत.
कोट
"सद्यस्थितीत २० टक्के काम पूर्ण झाले असून इमारतीचे संपूर्ण खोदकाम व फाऊंडेशनचे काम पूर्ण झालेले असून आता सर्वात खालील तळघराच्या स्लॅबचे काम प्रगतीपथावर आहे. स्लॅबवरील कॉलमचे काम पावसाळ्यात करणे शक्य होणार आहे. मुदतीमध्ये काम पूर्ण करणेचे नियोजन आहे."
-प्रमोद ओंभासे, सहशहर अभियंता - प्रकल्प विभाग
----------
