मोशीत टेम्पोवर होर्डिंग कोसळले
पिंपरी, ता. १७ : स्पाईन रोड मोशी येथील जयगणेश साम्राज्य चौकातील अधिकृत परवानगी असणारे २० बाय ४० फुट आकाराचे होर्डींग गुरुवारी (ता. १६) पाऊस व वाऱ्यामुळे रस्त्यावर उभ्या असणाऱ्या टेम्पोवर पडले असून त्यामध्ये कोणतीही जिवीतहानी झाली नाही.
होर्डींगचे परवानाधारक आनंद ॲडव्हर्टायझिंगचे आनंद गांधी यांच्यावर गुन्हा दाखल करण्यात येणार आहे.
शहरातील सर्व होर्डिंग्जबाबत संबंधितांची बैठक शुक्रवार ( ता. १७ ) आयुक्त शेखर सिंह यांच्या समवेत होणार आहे. तसेच शहरातील सर्व होर्डींगचे स्ट्रक्चरल ॲाडीट करण्यात येत आहे.
या घटनेत सदर होर्डींग हे तेथे असलेल्या टेम्पोवर पडल्याने किरकोळ नुकसान झाले आहे. या घटनेची आयुक्त शेखर सिंह यांनी तातडीने दखल घेवून सह आयुक्त चंद्रकांत इंदलकर व उपायुक्त संदीप खोत यांना घटनास्थळ पाहणी च्या सूचना दिल्या. शहरातील अनधिकृत होर्डींगचे सर्वेक्षण सुरू असून सोमवारपासून त्यावर कारवाईची मोहिम सुरू करण्यात येणार असल्याचे आयुक्त शेखर सिंह यांनी सांगितले.
----------------
