कमोडीटी मार्केटच्या कार्यशाळेस उत्स्फूर्त प्रतिसाद
पिंपरी, ता. ४ : जगात कमोडीटी मार्केट हे गेली १९५४ पासून हे अधिकृत मार्केट सक्रिय आहे. मात्र नागरिकांना केवळ शेअर मार्केट माहिती आहे. सामान्य नागरिकांसाठी कमोडीटी मार्केट हे भविष्यात एक उत्तम व्यावसायिक पर्याय असेल. यासाठी सामान्यांमध्ये जागृती होणे गरजेचे आहे'', असे मत कमोडीटी अभ्यासक विराज जमदाडे यांनी निगडी येथे व्यक्त केले.
विराज एक्सलन्स कमोडीटी सेंटरच्या वतीने आयोजित दोन दिवसीय कार्यशाळेत ते बोलत होते. यमुनानगर, निगडी येथे झालेल्या कार्यशाळेत देशभरातून नागरिक सहभागी झाले होते. जमदाडे पुढे म्हणाले, ''
कमोडीटी मार्केटबाबतीत नागरिकांमध्ये प्रचार व्हावा आणि जनजागृती हा कार्यशाळा घेण्याचा हेतू आहे. तसेच
जास्तीत जास्त नागरिकांनी सहभागी होऊन आर्थिक सक्षम बनावे, यासाठी आम्ही नागरिकांमध्ये अशा प्रकारचे कार्यक्रम घेत आहोत. ''
या बाजारात नियमांचे पालन केल्यास किमान ५० हजार गुंतवणूक करून दिवसाला हजार ते दोन हजार रुपयांपर्यंत नफा मिळवू शकता. सोने,चांदी, क्रूड ऑइल, कॉपर, झिंक, नैसर्गिक वायू याची खरेदी विक्री करून नफा कमवू शकता, असे सांगत त्यांनी नागरिकांनी विचारलेल्या प्रश्नांची समाधानकारक उत्तरे दिली.
------------
